काठमाडौँ । नेपाली कांग्रेसको उपसभापतिमा पूर्णबहादुर खड्का र धनराज गुरुङ विजयी भएका छन । आज विहान सम्पन्न मतगणनामा खड्का भारी मतान्तरमा विजयी भएका छन भने गुरूङ दुइ मतको झिनो अन्तरमा विजयी भएका छन । 

खड्काले दुई हजार १२१ मत र गुरूङले एक हजार ९०८ मत प्राप्त गरि बिजय भएका हुन् । गुरूङले विजयकुमार गच्छेदार भन्दा दुई मत बढी पाएर बिजय भएका हुन् । गच्छेदारले एक हजार ९०६ मत प्राप्त गरेका थिए ।

यस्तै उपसभापतिका उम्मेदवार चन्द्र भण्डारीले एक हजार ५८०, सुजता कोइरालाले ७४४, महेश आचार्यले ५८९ र दिब्यश्वरीले १३२ मत प्राप्त गरेको निर्वाचन समितिका सिताराम केसीले जानकारी दिए ।

बिजय हुने खड्का शेरबहादुर देउवा प्यानल र गुरूङ शेखर कोइराला प्यानलका हुन् । कांग्रेसको नयाँ नेतृत्वका लागि प्यानल नै बनाएर चुनावि प्रतिस्पर्धामा भएको थियो । आज महामन्त्रीको मतगणना हुने छ ।