काठमाडौँ । नेकपा माओवादी केन्द्रको पदाधिकारी बैठक बस्दै छ ।

बैठक आज दिउँसो ४ पार्टी मुख्यालय पेरिसडाँडामा बस्न लागेको हो । 

बैठकमा राष्ट्रपति चयनलगायत विषयमा छलफल हुने माओवादीले जनाएको छ ।

हिजो साँझ कांग्रेसका शीर्ष नेताहरूले माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डसँग राष्ट्रपतिमा सहयोग मागेका थिए ।

प्रधानमन्त्री प्रचण्डले पार्टीमा छलफल गरेर निर्णयमा पुग्ने जवाफ दिएका थिए । 

यहि फागुन २५ गते हुने राष्ट्रपति निर्वाचनका लागि फागुन १३ गते उम्मेदवारी दर्ताको कार्यक्रम छ ।

यसअघि एमाले र माओवादीबीच एमालेलाई राष्ट्रपति दिने सहमति भएको थियो । तर प्रधानमन्त्री पुष्पकमल दाहाल “प्रचण्ड”लाई विश्वासको मत दिएपछि परिस्थिति बदलिएको हो ।