काठमाडौं । नेपाली कांग्रेसका सभापति शेरबहादुर देउवाले रामचन्द्र पौडेलसहित १० जना नेतालाई केन्द्रीय कार्यसमिति सदस्यमा मनोनित गरेका छन् ।

कांग्रेसको विधान २०१७ (संशोधन सहित) धारा २१ को उपधारा १० बमोजिम १० जनाले सभापति देउवाले केन्द्रीय सदस्यमा मनोनित गरेको कांग्रेस केन्द्रीय कार्यालयका मुख्य सचिव कृष्ण पौडेलले जानकारी दिए ।

मनोनितहुनेमा रामचन्द्र पौडेल सहित सभापतिका उम्मेदवार विमलेन्द्र निधी  र प्रकाशमान सिंह समेत रहेका छन् ।

यस्तै उपसभापतिमा पराजित  विजय कुमार गच्छदार र सुजाता कोइराला, महामन्त्रीमा पराजित प्रकाशशरण महत पनि मनोनित भएका छन् । यस्तै मनोनित हुनेमा  नारायण खड्का कृष्णप्रसाद सिटौला, उमा रेग्मी र मीन विश्वकर्मा समेत छन् ।