काठमाडौं । नेपाल एकदिवसीय विश्वकप छनोटमा पुगेको छ । बिहीबार त्रिवि अन्तर्राष्ट्रिय क्रिकेट मैदानमा भएकाे लिग टूको अन्तिम खेलमा युएईलार्य डिएल मेडथमा २ रनले हराउँदै नेपाल विश्वकप छनोटमा पुगेको हो ।

तीन सय ११ रनको कीर्तिमानी लक्ष्य पछ्याएको नेपालले ६ विकेटको क्षतिमा २६९ बनाएको थियो । नेपालका लागि कुशल भुर्तेल‚ भीम सार्की‚ आरिफ सेख र गुल्शन झालले अर्धशतक पुरा गरेका थिए।

खराब मौसमका कारण खेल राेकिएपछि नेपाल डीएल मेथडका आधारमा २ रनले अगाडि भएको हो ।

टस जितेर पहिले ब्याटिङ गरेको यूएईले निर्धारित ५० ओभरमा ६ विकेट गुमाउँदै ३११ रनको लक्ष्य दिएको थियाे ।

यूएईविरुद्द दीपेन्द्रसिंह ऐरीले २ विकेट लिएका थिए । सोमपाल कामीले ९ ओभरमा १ विकेट लिँदै ७४ रन खर्चिए । त्यस्तै सन्दीप लामिछानेले १० ओभर बलिङ गर्दै १ विकेट लिँदै ८० रन खर्चिए । ललित राजवंशीले १ विकेट लिए ।

यसअघि लिग-२ कै खेलमा गत फेब्रुअरी १४ मा कीर्तिपुरमा नामिबियाले दिएको २८६ रनको लक्ष्य पूरा गर्दै नेपालले जितेको थियो ।