काठमाडौँ, । उपराष्ट्रपति चुनाव मतगणना सुरु भएको छ । संसद भवनको शंकर हलमा  मतगणना शुरु भएको हो । प्रदेश र संघीय संसदको फरक फरक स्थानमा मतगणना हुँदैछ । शुक्रबार बिहान १० बजे सुरु भएको मतदान अपराह्न ३ बजे सकिएको थियो । उपराष्ट्रपतिमा संघीय संसदका ३११ सांसद र प्रदेशका ५१८ सांसदले मतदान गरेका छन् । 

संघीय संसदका ३३१ जना सांसदमध्ये २० जना सांसदले मतदान गरेनन् । यस्तै सातवटै प्रदेशका ५५० सांसदमध्ये ३२ जना सांसदले मतदान गरेनन् । राष्ट्रिय प्रजातन्त्र पार्टीका सांसदले घोषित रुपमै चुनावमा भाग नलिँदा ठूलो संख्यामा मत नखसेको हो । 

नयाँ उपराष्ट्रपतिका लागि जनता समाजवादी पार्टी नेपालका रामसहायप्रसाद यादव, नेकपा (एमाले) का अष्टलक्ष्मी शाक्य  र जनमत पार्टीका ममता झा उम्मेदवार छन् ।