काठमाडौँ । त्रिभुवन विश्वविद्यालय (त्रिवि)अन्तर्गत देशभरका आंगिक र सामुदायिक क्याम्पसमा स्वतन्त्र विद्यार्थी युनियन (स्ववियू)को निर्वाचन सकिएको छ ।

मतदान सकिएका क्याम्पसहरूले आज साँझदेखि मत गणना प्रक्रिया सुरु गर्ने जनाएका छन् । निर्वाचन केन्द्रीय समितिले बिहान ८ देखि ४ बजेसम्म मतदानको समय तोकेको थियो ।

ढिला सुरु भएका र बीचमा अवरुद्ध भएका केही क्याम्पसले ४ बजेपछि पनि मतदान भइरहेको छ । काठमाडौँ उपत्यकाका २२ मध्ये ७ क्याम्पसमा आइतबार निर्वाचन हुन सकेन ।