काठमाडौँ, । हिजो चैत ५ गते भएको स्ववियु निर्वाचनमा नेकपा (एमाले) निकट अनेरास्ववियुले अग्रता कायम राखेको छ । 

१४ वर्षपछि भएको स्वतन्त्र विद्यार्थी युनियनको नतिजा आउने क्रम जारी रहेको छ । 

अहिलेसम्मको प्राप्त नजिता अनुसार अनेरास्ववियुले  ७९ क्याम्पसमा बिजय हासिल गरिसकेको छ । अनेरास्ववियुलाई नेपाल विद्यार्थी संघले  पछ्याइरहेको छ । 

नेपाल विद्यार्थी संघले ५१ तथा नेकपा माओवादी केन्द्र निकट अखिल क्रान्तिकारीले ३० स्थानमा जित हासिल गरेको छ ।

मुलुकका ठूला क्याम्पसमा त्रिवि केन्द्रीय क्याम्पस,  पद्मकन्या क्याम्पसमा नेविसंघले जितेको छ । यस्तै महेन्द्ररत्न क्याम्पस, पुल्चोक क्याम्पस, पब्लिक युथ क्याम्पसमा अनेरास्ववियुले जितेको छ ।