काठमाडौँ , । नेकपा एमालेका अध्यक्ष केपी शर्मा ओली प्रधानमन्त्री पुष्पकमल दाहाल ‘प्रचण्ड’ले प्रधानमन्त्री भएको भोलिपल्टबाट इमान छोडेको आरोप लगाएका छन् । 

आज संसद भवन ल्होत्से हलमा आयोजित संसदीय दलको बैठकलाई  सम्बोधन गर्दै उनले सो आरोप लगाएका हुन । अध्यक्ष ओलीले प्रचण्ड प्रधानमन्त्री भएपछि दक्षिणपन्थतिर लागेको बताए । 

अध्यक्ष ओलीले भने, ‘हाम्रो प्रयासमा वामपन्थीसहितको सरकार बनाउन चाह्यौं । हामीले सरकार बनायौं । प्रधानमन्त्री हुनु थियो प्रधानमन्त्री भएको भोलिपल्टबाट उहाँले इमान छोड्नुभयो । बेइमानी सुरु गर्नुभयो । उहाँ इमानमा रहन सक्नुभएन भनौं । उहाँले दक्षिणपन्थी सरकार बनाउनुभयो ।’

प्रचण्ड प्रधानमन्त्री भएपछि राष्ट्रियता कमजोर भएको ओलीले बताए ।