काठमाडौँ । विश्वासको मत पाए लगतै प्रधानमन्त्री पुष्पकमल दाहाल प्रचण्डले चार दिनभित्रमा मन्त्रिपरिषद् पुनर्गठन गर्ने बताएका थिए ।

माओवादी केन्द्रका अध्यक्षसमेत रहेका प्रचण्डले चैत ६ मा विश्वासको मत लिएसँगै कांग्रेससहितका दललाई समेटेर मन्त्रिपरिषद् पुनर्गठन गर्न लागेका हुन् ।

बालुवाटार स्रोतका अनुसार प्रधानमन्त्री प्रचण्डले भोलिसम्ममा मन्त्रिपरिषद् विस्तार गर्ने तयारीमा रहेका छन् । 

त्यसका लागि गठबन्धनमा दलमा मन्त्रालय संख्याको विषयमा मोटामोटी सहमति भइसकेको छ भने जिम्मेवारीको विषयमा ठोस सहमति जुटाएर सोमबारसम्ममा मन्त्रिपरिषद् पुनर्गठनको तयारी भएको हो । 

सबैलाई समेटेर मन्त्रिपरिषद् विस्तार गरिँदा हाल माओवादीले सम्हाल्दै आएका केही मन्त्रालय हेरफेर हुन सक्ने बताइएको छ । स्रोतका अनुसार उपप्रधान एवम् भौतिक पूर्वाधार तथा यातायात मन्त्री नारायणकाजी श्रेष्ठको मन्त्रालय परिवर्तन हुने सम्भावना प्रबल जस्तै रहेको छ।

  माओवादीले गृह मन्त्रालय पाउने अवस्था देखिएको र उनले भौतिक छाडेर गृह मन्त्रालय पाउन सक्ने देखिएको हो । 

सरकारमा समर्थन प्राप्त पार्टी सवैलाई समेटनुपर्ने भएकोल पनि मन्त्रिपरिषद् पुनर्गठनमा ढिलाई भएको हो ।