काठमाडौँ । नक्कली भुटानी शरणार्थी बनाएर ठगी गरेको प्रकरणमा पक्राउ पुर्जी जारी भएका नेकपा (एमाले) का सचिव एवं प्रतिनिधि सभा सदस्य टोपबहादुर रायमाझीलाई फरार सूचीमा राख्ने तयारीमा प्रहरी लागेको छ ।

बुधबार पक्राउ पुर्जी जारी भएका रायमाझीले बिहीबारसम्म प्रहरीमा आउने बताएका थिए । प्रहरी उच्च स्रोतका अनुसार पक्राउ पुर्जी जारी भइसकेको सांसदजस्तो मान्छे सम्पर्कविहीन भएपछि फरारको सूचीमा राख्ने तयारी गरिएको छ ।

बुधबार साँझ अर्घाखाँचीमा भएको कार्यक्रम सकेर बुटवल आएका रायमाझीको फोन स्विच अफ छ।

प्रहरीले बिहीबारदेखि उनको खोजी गरिरहे पनि रायमाझी सम्पर्कमा नआएको काठमाडौँ प्रहरी प्रमुख एसएसपी दानबहादुर कार्कीले जानकारी दिए । आफूहरूले रायमाझीमाथिको अनुसन्धान निरन्तर अघि बढाउने उनले बताए ।