काठमाडौँ । स्वतन्त्र सांसद अमरेश कुमार सिंह संसद् बैठकमै अर्धनग्न बनेका छन् । सोमबार प्रतिनिधि सभाको बैठकमा सांसद सिंहले आकस्मिक समय माग गर्दा सभामुखले समय नदिएपछि त्यसको विरोधमा सर्ट र गञ्जी खोलेर अर्धनग्न भएका हुन् ।

सिंहले संसद्‌मा कपडा खोलेर विरोध जनाएपछि सभामुख देवराज घिमिरेले सभ्यताका साथ आफ्ना कुरा राख्न निर्देशन दिएका छन् । विशेष समय नछुट्याई सभामुख घिमिरेले बैठकमा नियमित कारबाहीमा जान्छौं भनेपछि सिंहले कपडा खोलेर विरोध जनाएका थिए ।

सांसद सिंहको उक्त व्यवहारपछि नेकपा एमालेका सांसद अच्युत मैनालीले उनको स्वास्थ्य जाँचको माग गरेका छन् ।