काठमाडौँ । प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ लाई संसदमा बोल्नेक्रममा अवरोध भएको छ ।

सोमबार नागरिकता विधेयक प्रमाणीकरणका सन्दर्भमा प्रधानमन्त्री प्रचण्डले प्रष्टीकरण दिइरहेका बेला एमाले सांसदले उठेर अवरोध गरेपछि सत्ता पक्ष र प्रतिपक्षका सांसदहरु भनाभन गरिरहेका छन् ।

सभामुख देवराज घिमिरेले एमाले सांसद सूर्यबहादुर थापा क्षेत्रीलाई बोल्न दिएका थिए । त्यसपछि प्रधानमन्त्री प्रचण्ड बोल्न थाल्दा फेरि एमाले सांसदहरू उठेका थिए। त्यसपछि सत्तापक्षका सांसदहरू पनि वादविवादमा उत्रिएका थिए । नागरिकता विधेयक प्रमाणीकरणको विषयमा प्रतिपक्षका सांसदहरुले प्रक्रिया नमिलेको भन्दै विरोध गरिरहेका छन् ।