काठमाडौं । माओवादीले कोसी प्रदेश सरकारबाट बाहिरिने निर्णय गरेको छ । मंगलबार प्रदेश संसदीय दल र पार्टी पदाधिकारीबीच बसेको संयुक्त बैठकपछि सरकार छाड्ने निर्णय गरेको हो ।

बैठकले सरकारमा सहभागी दुई मन्त्रीहरूलाई राजीनामा बुझाउने र संसदीय दललाई सरकारको समर्थन फिर्ता गर्न निर्देशन दिएको माओवादी कोसी प्रदेशका अध्यक्ष हर्कबहादुर नेम्वाङ मिक्सोले बताएका छन् । कांग्रेस, एकीकृत समाजवादीले माओवादी र जसपालाई सरकारबाट बाहिरिन दबाब दिँदै आएका छन् ।

केही दिनअगाडि सरकारमा सहभागी जसपासमेत सरकारबाट बाहिरिएको थियो ।