काठमाडौं । सत्तारुढ दल जसपाले आगामी आर्थिक वर्षको बजेटको विपक्षमा उभिएको छ । उसले सरकारले ल्याएको बजेट यथास्थितिमा पास गर्न नदिने निर्णय गरेको छ। शुक्रबार बसेको संसदीय दलको बैठकले बजेट समावेशी नभएको भन्दै पास गर्न नदिने निर्णय गरेको हो ।

अहिलेको बजेट नेतामुखी भएकाले पास गर्न नदिने निर्णय लिएको जसपा सांसद राजकिशोर यादवले बताए। प्रदेशमा दिइएको अनुदान बजेटमा पनि भेदभाव गरिएको भन्दै बैठकमा सांसदहरूले असन्तुष्टि जनाएका थिए ।

यसअघि सत्तारुढ दल एकीकृत समाजवादीले पनि बजेट पारित गर्न नदिने निर्णय गरेको थियो। जसपा र एकीकृत समाजवादीका २२ सांसद छन् । दुवै दलले बजेटको पक्षमा मत नहालेमा बजेट फेल हुने निश्चित छ ।