काठमाडौँ, । प्रेस चौतारी नेपाल काठमाडौँको शाखाको अध्यक्षमा मुकुन्द भुसाल निर्वाचित भएका छन् ।

 काठमाडौँमा भएको शाखाको पाँचौ अधिवेशनले भुसालको अध्यक्षतामा ३९ सदस्यीय नयाँ कार्यसमिति चयन गरेको हो । 
शाखाको उपाध्यक्षमा श्रीराम तिवारी, महिला उपाध्यक्षमा सुभद्रा धिताल, सचिवमा लक्षण शर्मा, सहसचिवमा जिपी पौडेल र पुष्पा अधिकारी र कोषाध्यक्ष रामचन्द्र कार्की निर्वाचित भएको निवर्तमान अध्यक्ष पुकार तिमिल्सेनाले जानकारी दिए  । 

शाखा अघिवेशनमा एमाले उपमहासचिव तथा एमाले प्रचार विभाग प्रमुख पृथ्वीसुब्बा गुरुङ, एमाले स्थायी कमिटी सदस्य डा.राजन भट्टराई, एमाले प्रचार विभाग उपप्रमुख विष्णु रिजाल, एमाले काठमाडौँका अध्यक्ष दीपक निरौला, प्रेस चौतारी नेपालका  केन्द्रीय अध्यक्ष गणेश बस्नेत लगायतको उपस्थिति रहेको थियो ।