काठमाडौं, । नेकपा (एमाले) का संसदीय दलका प्रमुख सचेतक विशाल भट्टराईले शेरबहादुर देउवा नेतृत्वको सरकारको छ महिने कार्यकाल उपलब्धिविहीन भएको टिप्पणी गरेका छन् ।  

देउवा प्रधानमन्त्री भएको छ महिना पुगेको अवसरमा आज यहाँ आयोजित कार्यक्रममा नेता भट्टराईले प्रधानमन्त्री देउवालाई मन्त्रिमण्डललाई पूर्णता दिन नै तीन महिना समय लागेकोले छ महिनाको अवधिमा उपलब्धिमूलक काम नभएको बताएका हुन् । 

उनले भने–‘सरकारको छ महिनाको समिक्षा गर्दा यो छ महिना त्यतिकै व्यतित भयो । प्रधानमन्त्रीले तीन महिनासम्म त मन्त्रिमण्डल विस्तार गर्न सक्नुभएन, मन्त्रिमण्डल विस्तार गर्नको लागि नै ९८ दिन लाग्यो । यो सरकारले गर्नलायक काम केही गरेन ।’

भट्टराईले यथास्थितिमा मिलिनियय च्यालेन्ज कर्पोरेशन (एमसीसी) पास गर्ने पक्षमा आफ्नो पार्टी नभएको पनि स्पष्ट पारे । 
उनले भने,‘एमालेको साथ लिएर कसैले एमसीसी पास गर्ने सोचेको हो भने त्यो दिवा सपना हो ।’