काठमाडौं । संघीय संसद, राष्ट्रिय सभाको नेकपा एमालेले संसद अवरुद्ध गरेपछि स्थगित भएको बैठक असार २१ गते बस्ने भएको छ । बुद्धबार दिउँसोका लागि तय भएको बैठकमा आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भन्ने प्रधानमन्त्री प्रचण्डको अभिव्यक्तिलाई एमालेसहित प्रतिपक्षी दलले विरोध जनाएका थिए ।

प्रतिनिधिसभा बैठक सुरु भएलगत्तै एमाले सांसद रघुजी पन्तले प्रधानमन्त्री प्रचण्डको अभिव्यक्तिप्रति आपत्ति जनाउँदै राजीनामा माग गर्दै उक्त अभिव्यक्तिप्रति प्रधानमन्त्री प्रचण्डले जवाफ दिनुपर्ने र राजीनामा नदिएसम्म बैठक अघि बढ्न नसक्ने बताएका छन् । पटक–पटक जारी बैठक शान्तिपूर्ण संचालनमा आउन नसकेपछि राष्ट्रिय सभाको अर्को बैठक असार २१ गतेका लागि सारिएको संघीय संसदका महासचिव डा.भरतराज गौतमले जानकारी दिए ।