काठमाडौं । प्रधानमन्त्री पुष्पकमल दाहाल प्रचण्डले आफ्नो भावुकतालाई कमजोरी ठानेर माफी दिन आग्रह गरेका छन् । सोमबार प्रतिनिधिसभा बैठकमा सम्बोधन गर्दै उनले आफू भावुकतामा बगेर बोल्ने गरेको र त्यही नै कमजोरी हुने गरेको बताए ।
प्रितम सिंहसँग आफ्नो पारिवारिक सम्बन्ध जस्तै रहेको र उनीसँगको भावनात्मक सम्बन्ध पुस्तक विमोचनका क्रममा आफूले बोलेको स्पष्ट पारे । प्रचण्डले आफ्नो मनभित्र कुनै मैलो नभएको, तर बोल्ने बेला भावुकता आउने गरेको र अबदेखि आफूले यसमा सुधार गर्ने प्रतिबद्धता जनाए ।
प्रचण्डले प्रितम सिंह कुनै शक्तिकेन्द्र नभएको तर पनि आफू प्रधानमन्त्री बन्ने बेला प्रितम सिंह नयाँदिल्ली आउजाउ गरेको आफूले थाहा पाएकाले व्यक्तिगत कुरा बोलेको दाबी गरे । व्यक्तिगत कुरा बोल्दा त्यसमा त्रुटि भएको उनले स्वीकार गरे ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९