काठमाडौं । सुदूरपश्चिम प्रदेशका मुख्यमन्त्री कमलबहादुर शाहले ‘सांसद विकास कोष’ को रकम वृद्धि गरेर बजेट पारित गर्न सक्ने संकेत गरेका छन् । प्रदेश सभामा प्रस्तुत भएको बजेट अलपत्र परेपछि मुख्यमन्त्री शाहले सांसद विकास कोषको रकम बढाउन सकिने बताएका छन् ।
शुक्रबार गठबन्धनमा आबद्ध दलका नेताहरूको छलफलमा मुख्यमन्त्री शाहले प्रदेश सांसद कोषअन्तर्गत ३२ निर्वाचन क्षेत्रका लागि तीन करोडका दरले ९६ करोड बजेट विनियोजन गरेकोमा अब त्यसमा रकम बढाउन सकिने बताए ।
छलफलमा भौतिक पूर्वाधार विकासमन्त्री प्रकाश देउवा, माओवादी संसदीय दलका नेता खगराज भट्ट र नागरिक उन्मुक्ति संसदीय दलका नेता रामप्रकाश चौधरीलगायत उपस्थित थिए । मुख्यमन्त्री शाहले सत्ता गठबन्धनका सांसदहरुलाई बजेट पासमा सहयोग गर्न आग्रहसमेत गरेका थिए ।
प्रदेश सरकारले ल्याएको बजेटमाथि छलफलसमेत हुन सकेको छैन । सत्तारुढ दल कांग्रेस, माओवादीका सांसदसमेत बजेटको विरोधमा उत्रिएपछि बजेट पास हुन सकेको छैन । सांसद विकास कोषमा विनियोजन गरिएको बजेटलाई लिएर विरोध भइरहेको छ ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९