काठमाडौँ, । आज देशभर सातौ राष्ट्रिय योग दिवस मनाउँदै छ ।
स्वास्थ्य तथा जनसङ्ख्या मन्त्रालयको आयुर्वेद तथा वैकल्पिक चिकित्सा विभागले पत्रकारसम्मेलन गरी योगाभ्यास र योगबारे जनचेतना जगाई दिवस मनाउन थालेको बताएको छ ।
विभागका निमित्त महानिर्देशक डा. श्यामबाबु यादवले कोरोना भाइरसको कारणले यसबर्ष भर्चुअल रुपमा दिवस मनाउन थालिएको जानकारी दिए ।
उनले विभागकै हलमा २५ जनाको उपस्थितिमा सातप्रदेशलाई भर्चुअल रुपमा जोडेर योगाभ्यास र जनचेतनामूलक कार्यक्रम गर्ने बताए ।
उनले दिवसकै अवसरमा आइसोलेसनमा रहेका कोरोना सङ्क्रमितलाई पनि योगाभ्यास गराउने बताए । विभागका निमित्त महानिर्देशक डा. यादवले योगले मानिसको सकारात्मक सोच विकास गर्नुको साथै रोग प्रतिरोधात्मक क्षमताको विकास गराउने बताए ।
पत्रकारसम्मेलनमा विभागका जडीबुटी, औषधी व्यवस्थापन तथा अनुसन्धान महाशाखा प्रमुख डा. सन्तोषकुमार ठाकुरले मानिसले शारिरीक भन्दा प्रविधिबाट धेरै काम गर्ने थालेकोले शारिरीक चलायमान गराउनका लागि योग अनिवार्य रहेको बताए । उनले योगले मानिसको शारिरीक र मानसिक रुपमा स्वस्थ्य राख्ने सहयोग गर्ने बताए ।
“जीवनशैलीमा आएको परिवर्तनले योग अनिवार्य भइसकेको छ, ” उनले भने “अहिले परिवार, समाज सवैमा योगको महत्व बढेर गएको छ । शरिर र मनलाई सन्तुलिन राख्ने काम योगले गरेको छ ।”
सरकारले २०७२ सालबाट प्रत्येक बर्ष माघ १ गते योग दिवस मनाउन थालेको हो । यसबर्ष ’सर्वाङ्गीय विकासका लागि योग‘ भन्ने आर्दश वाक्यका साथ दिवस मनाउन थालिएको छ ।
विभागका जिल्ला आयुर्वेद स्वास्थ्य कार्यालयले विहान ७ बजेदेखि हरेक जिल्लामा योग गराउँदै आइरहेका छन् ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९