काठमाडौँ, । नेकपा (एमाले) कोभिड–१९ सङ्क्रमणलाई ध्यानमा राखी २५ जनाभन्दा बढीको उपस्थिति रहने गरी पार्टी तथा जनसङ्गठनका कार्यक्रमलाई स्थगित गर्न निर्देशन दिएको छ । 

पार्टी केन्द्रीय कार्यालयक सचिव डा. भीष्मनाथ अधिकारीले आज प्रदेश र सवै जिल्ला कार्यालयलाई आन्तरिक सर्कुलर जारी गर्दै कोरोना भाइरसको महामारीलाई मध्यनजर गर्दै कोभिड–१९ को तेस्रो लहरसम्बन्धि सरकारद्धारा जारीगरिएको स्वास्थ्य मापदण्डलाई पालना गरि कार्यालय सञ्चालन गर्न समेत निर्देशन दिएका छन् । 

यस्तै पार्टीका आन्तरिक बैठक, भेला, छलफलजस्ता कार्यक्रम आवश्यक सतर्कता अपनाउँदै आयोजना गर्न र पार्टीका स्थानीय कमिटी, नेता–कार्यकता र जनप्रतिनिधि कोभिड–१९ को महामारीका विरुद्ध आवश्यक सतर्कता अपनाउँदै जनताको सेवामा सक्रिय रहन पनि सर्कुलरमा भनिएको छ ।