काठमाडौं, । प्रधानमन्त्री शेरवहादुर देउवाले मिलिनेलियम च्यालेन्ज कर्पोरेशन (एमसीसी) अगाडि बढाउनका लागि नेकपा (एमाले)संग सहयोग मागेका छन् । 

प्रधामन्त्री निवास वालुवाटारमा प्रधानमन्त्री देउवा, एमाले अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकलम दाहालसंगको छलफमा उनले ओलीसंग संसदमा एमसीसी अगाडि बढाउन सहयोग मागेका हुन । 

बैठकमा सहभागी एमाले महासचिव शंकर पोखरेलले प्रधानमन्त्रीले एमसीसी अगाडि बढाउनका लागि सहयोग गर्नुपर्ने धारणा राखेको बताए । 

बैठकमा प्रचण्डले प्रतिपक्षले संसद सुचारु गर्नका लागि सहयोग गर्न आग्रह गरेको नेता पोखरेलले जानकारी गराए । “ प्रचण्डको कुरा प्रतिपक्षले सदन सुचारु गरोस् भन्ने खालको थियो,”पोखरेलले भने, “निर्वाचनसम्मका प्रतिपक्ष सहित सवैले एमसीसीलाई पछाडि धकेलौ भन्ने थियो । निर्वाचनपछि मात्र अगाडि बढाउन उचित हुन्छ भन्ने आग्रह थियो ।”

उनीहरुबीच करिव दुई घण्टा छलफल भएको थियो ।