काठमाडौँ, । नेकपा (एमाले)ले कञ्चनपुरको वेलौरी नगरपालिकाको प्रमुखमा कमला वोहराको नाम सिफारिस गरेको छ । 

एमालेको आज बसेको बैठकले आगामी वैशाख ३० गते हुने स्थानीय तहको निर्वाचनमा बेलौरी नगरपालिकाको प्रमुखमा युवा नेतृ वोहराको नाम  सिफारिस गरेको हो । उनीसंगै अन्य आठ जनाको नाम समेत सिफारिस गरिएको छ । विद्यार्थी राजनीतिकदेखि सक्रिय उनी अहिले एमालेका केन्द्रीय सदस्य समेत हुन् । वोहरा जनता वहुमुखी क्याम्पसको स्ववियु सभापति समेत हुन् । 

अनेरास्ववियुको सचिवालय सदस्य, एमाले प्रदेश कमिटी सदस्य हुँदै उनी अहिले एमालेको केन्द्रीय सदस्य रहेकी छन् । यसअघि उनी कञ्चनपुरको भूमि समस्या समाधान आयोगको अध्यक्ष रहेकी थिइन ।  

स्थानीय परिवेशमा घुलमिल समेत भएकी त्यसक्षेत्रकी उदाउँदो युवा नेतृ रुपमा रहेकी कमला वोहराको पक्षमा सवै नेता तथा कार्यकर्ता रहेका छन् ।