काठमाडौ, । सत्तारुढ गठबन्धन दलले  ६ वटै महानगरपालिकाको प्रमुख र  उपप्रमुख टुंगो लगाएको छ।

आज साँझ बसेको शीर्ष नेतासहितको स्थानीय निर्वाचन तयारी तथा अनुगमन समिति बैठकले ६ वटै महानगरपालिकाको प्रमुख र  उपप्रमुखको टुंगो लगाएको हो।

सहमति अनुसार काठमाडौँ, ललितपुर र विराटनगरको प्रमुख कांग्रेसलाई भरतपुर माओवादी केन्द्रलाई,  वीरगञ्ज महानगर जसपा र पोखरा नेकपा (एकिकृत समाजवादी)लाई दिने सहमति भएको छ । 

यस्तै, माओवादी केन्द्रले ललितपुर महानगरपालिकाको उपप्रमुख पाएको छ। नेकपा एकीकृत समाजवादीले काठमाडौं र जनता समाजवादी पार्टी जसपाले विराटनगर महानगरपालिकाको उपप्रमुख पाएको छ । यही वैशाख ३० गते स्थानीय तहको निर्वाचन हुँदै छ ।