काठमाडौँ, । विश्व स्वास्थ्य सङ्गठन (डब्ल्युएचओ) का महानिर्देशक डा टेड्रोस अधानोम गेब्रेयससले नेपाल भ्रमणमा आउनु भएको छ । 

डब्लुएचओका महानिर्देशक डा टेड्रोस तीन दिने सद्भाव भ्रमणमा नेपाल आउन थालेका स्वास्थ्य तथा जनसङ्ख्या मन्त्रालयका सचिव डा. रोशन पोखरेलले जानकारी दिनुभयो । 
आज अपरान्ह उहाँ नेपाल आइपुगेका हुन् । नेपाल रहदा उहाँले राष्ट्रपति विद्यादेवी भण्डारी, प्रधानमन्त्री शेरवहादुर देउवा, राष्ट्रिय सभाका अध्यक्ष गणेशप्रसाद तिमिल्सेना, स्वास्थ्य तथा जनसङ्ख्या मन्त्री विरोध खतिवडा र  परराष्ट्रमन्त्री नारायण खड्कासंग पनि भेटघाट गर्ने छन् । 

भ्रमणकै क्रममा उहाँले टाइफाइड विरुद्धको खोप अभियानको अवलोकन र राष्ट्रिय जनस्वास्थ्य प्रयोगशालाको पनि अवलोकन, पाटन माध्यामिक विद्यालय र हनुमानढोका तथा पाटन दरवार पनि भ्रमण गर्ने छन् । 

महानिर्देशकका साथ डब्ल्युएचओको दक्षिण पूर्व एशिया क्षेत्रीय कार्यालयका क्षेत्रीय निर्देशक डा पुनम खेत्रपाल र डब्ल्युएचओका अन्य अधिकारीहरू समेत आएकी छन् 
उनी वैशाख १० गते फर्कनुहुने कार्यक्रम रहेको छ ।