काठमाडौं ।  नेकपा (एकीकृत समाजवादी)ले  आफूले पाएका महानगरपालिका र उपमहानगरपालिकामा उम्मेदवारको टुंगो लगाएको छ ।

समाजवादीका महासचिव बेदुराम भुसालले आज विज्ञप्ति निकाल्दै गठबन्धनबाट आफूले पाएका महानगर र उपमहानगरको उम्मेदवार टुंगो लगाएको जानकारी दिए ।  पोखरा महानगरपालिकाको मेयरमा धनराज आचार्यलाई र काठमाडौं महानगरपालिकाको उपमेयरमा रामेश्वर श्रेष्ठलाई टिकट दिने भएको छ 

 हेटौँडा उपमहानगरपालिकाको प्रमुखमा मिना लामालाई र  उपमहानगरपालिकाको उपमेयरमा केशवकुमार विष्टलाई टिकट दिएको छ । 

यस्तै समाजवादीले बुटबल उपमहानगरपालिकाको उपमेयरमा चिनबहादुर गुरुङलाई र तुल्सीपुर उपमहानगरपालिकाको उपमेयरमा जोगबहादुर राना मगरलाई अघि सारेको छ । 
आफनो पार्टीको तर्फबाट उमेद्‍वारी दिएका सबैले कलम चिन्ह लिएर प्रतिस्पर्धा गर्ने एकीकृत समाजवादीले जारी गरेको विज्ञप्तिमा उल्लेख छ ।

तालमेल भएका स्थानीय तहमा तालमेल अनुसार उमेद्‍वारी दिने र तालमेल नभएका स्थानीय तहमा पार्टीका तर्फबाट समेत उमेद्‍वारी दिने निर्णय भएको महासचिव  भुसालले निकालेको विज्ञप्तिमा उल्लेख छ ।