काठमाडौँ, । स्थानीय तह निर्वाचनको लागि उम्मेदवारी दिनेको संख्या एक लाख ४७ हजार २७४ पुगेको छ। 

निर्वाचन आयोगले मंगलबार दिउँसो सवा ३ बजे दिएको अपडेटका अनुसार हालसम्म सो संख्याको उम्मेदवारी परेको हो। 

आयोगले उम्मेदवारी दर्ता गर्न वैशाख ११ र १२ गते बिहान १० बजेदेखि साँझ ५ बजेसम्मको दिएको थियो। तर दलहरू पहिलो दिन उम्मेदवारी दर्ता गराउन गएनन्। 
प्रमुख पदमा मात्रै ३ हजार ४३० जनाको उम्मेदवारी परेको छ।

अध्यक्षमा ३ हजार ३६३, उपप्रमुखमा २ हजार ९७, उपाध्यक्षमा २ हजार ३८२, वडाध्यक्षमा ३४ हजार ३५७, महिला सदस्यमा २५ हजार ३४५, दलित महिला सदस्यमा २२ हजार ८९९ र सदस्यमा ५३ हजार ४०१ जनाको उम्मेदवारी परेको हो।