काठमाडौँ । विराटनगर महानगरपालिकाका मेयर भीम पराजुलीले राजीनामा दिएका छन् । स्थानीय तहको निर्वाचनमा उम्मेदवारी छनौटमा असन्तुष्टि जनाउँदै उनले आज राजीनामा दिएका हुन् । 

राजीनामा पत्रमा भने मेयर पराजुलीले ‘नैतिकताको आधारमा राजीनामा दिएको’ उल्लेख गरेपनि उम्मेदवार छनौटमा असन्तुष्टि जनाउँदै राजीनामा दिएका हुन् । 
‘निर्वाचन कार्यक्रम सुरू भइसकेको अवस्थामा मेयरको जिम्मेवारीमा रहिरहनु उचित नहुने भएकाले नैतिकताका आधारमा राजीनामा दिएको छु’, उनले भने। 

उनले मुख्य कारण नैतिकता बताए पनि टिकट वितरणको असन्तोषका कारण कार्यकाल बाँकी रहँदै पद छाडेका हुन् ।