काठमाडौँ । निर्वाचन आयोगले आगामी वैशाख ३० गते स्थानीय तहको निर्वाचनका लागि ३३ जिल्लामा मतपत्र ढुवानी गरेको छ । 

वैशाख १५ गतेसम्म ७२ जिल्लाका लागि १ करोड ७७ लाख ७५ हजार मतपत्र छपाइ सम्पन्न भएको छ । हालसम्म ३३ जिल्लाका लागि ५१ लाख ८१ हजार मतपत्र ढुवानी गरिएको आयोगले जनाएको छ  ।

आयोगले स्थानीय तह निर्वाचन (जनशक्ति व्यवस्थापन) निर्देशिका २०७८ को दफा ५ को उपदफा (१) मा उल्लेख भएको जनशक्तिको अतिरिक्त मतपत्र रुजु गरी पठाउन महानगरपालिकाको हकमा सोही निर्देशिकाको दफा ५ (९) बमोजिमको अवधिभरको लागि शाखा अधिकृत २ जना, सहायक कर्मचारी दुई जना, कम्प्युटर अपरेटर एक जना, सवारीचालक एक जना र कार्यालय सहयोगी २ जना थप गर्ने निर्णय गरेको छ ।