काठमाडौँ, । नेकपा (एमाले)ले अध्यक्ष केपी शर्मा ओली भोलि (विहिबार) कन्चनपुरको बेलौरी नगरपालिका हुने सभालाई सम्बोधन गर्न जाने भएका छन् । 

बेलौरी बजारमा दिउँसो २ बजे हुने चुनावी सभालाई सम्बोधन गर्न अध्यक्ष ओली  कन्चनपुरको बेलौरी नगरपालिका आउन थालेका कन्चनपुर एमाले सचिव पल्लवराज भट्टले जानकारी दिनुभयो । 

एमालेले बेलौरीबाट मेयरमा कमला वोहरालाई उठाएको छ । विद्यार्थी राजनीतिकदेखि नै बोहराको योग्यता, क्षमता देखेका ओली उनलाई जिताउन बेलौरीको चुनावी सभालाई सम्बोधन गर्न जान थालेका हुन् । 

अध्यक्ष ओलीले भोलि धनगढीमा पनि एमालेको चुनावी सभालाई सम्बोधन गर्ने कार्यक्रम रहेको छ  । धनगढी उपमहानगरपालिकामा एमालेले रणवहादुर चन्दलाई मेयरमा उठाएको छ । 

एमालेबाट बेलौरीमा मेयरमा वोहरा र उपमेयरमा जोगराम थारु उम्मेदवार बनेका छन्  । 

झण्डै डेढ बर्ष कन्चनपुरको भूमि समस्या सामाधन आयोगका अध्यक्ष समेत रहेकी उनले भूमिहिन, सुकम्बासी जनताका पक्षमा समेत काम गरेकी छन् । 
सुदुरपश्चिम प्रदेशकी उदाउँदो युवा नेतृको रुपमा रहेकी उनी मेयरमा बनेर पिछडिएको नगरलाई समृद्धको वाटोमा डो¥याउन चाहन्छिन् । 

सत्तागठबन्धन नभएको वेलौरीमा माओवादी केन्द्र र समाजवादीको गठबन्धन भने रहेको छ भने कांग्रेस पनि एक्लै चुनावी मैदानमा रहेको छ । सत्तागठबन्धनबीच बेमेल भएको वेला बेलौरीकी चेली कमला वोहरालाई नगरबासीले इतिहास रचाउन पक्षमा रहेका छन् । 

मेयरकी उम्मेदवार वोहराका निःशुल्क शिक्षा, स्वास्थ्य खानेपानी र रोजगारी प्रमुख एजेण्डा रहेको छ  । 
अनेरास्ववियुबाट विद्यार्थी राजनीतिकमा सक्रिय वोहरा अहिले पार्टीको केन्द्रीय सदस्य तथा  कन्चनपुरका जिल्लाको पार्टी सहइन्चार्ज हुन् ।