काठमाडौँ, । नेकपा एमालेका अध्यक्ष केपीशर्मा ओलीले गठबन्धनका दललाई ‘टालटुली बटुली कति राम्रो पुतलीको’ संज्ञा दिएका छन् ।

आज सुनसरीको इटहरीमा एमालेले आयोजना गरेको चुनावीसभालाई सम्बोधन गर्दै उनले गठबन्धन धेरै पार्टी जोडेर बनेकाले यसले कुनै ठोस काम नगर्ने बताए।

उनले यसका साथै अहिलेको गठबन्धन देश र जनताको पक्षमा भन्दा पनि परिवारवाद र नातावादमा लागेको बताए । वडामा त एक्लै चुनाव लडन नसक्नेले देश कसरी चलाउन सक्लान् रु अध्यक्ष ओलीले प्रश्न गरे ।

उनले अहिलेको गठबन्धन गन्तव्यहिन र दृष्टिकोण विहिन भएको समेत बताए। अध्यक्ष ओलीले आगामी आम निर्वाचनबाट एमालेकै नेतृत्वमा सरकार बन्ने बताए ।

उनले गठबन्धनका दललाई मकिएका मकैको ढोडको संज्ञा दिए  । काँग्रेसले टेकेर हिँडेको मकैको ढोडकहि न कहि दुर्घटना हुने निश्चित रहेको उनको भनाई रहेको छ ।

अध्यक्ष ओलीले एमालेले जाती, धर्म, लिङ्ग र सम्प्रदायका आधारमा राजनीति नगर्ने बताए। उनले काँग्रेसले २७ वर्षसम्म नेपालको शासनगर्दा पनि कुनै विकासको खास काम गर्न नसकेको आरोप लगाए । एमाले सरकारमा जाने वित्तिकै लछिन आउने उनको भनाई छ ।