काठमाडौँ, । नेकपा (एमाले)का उपमहासचिव प्रदीप ज्ञवालीको गाउँपालिकामा एमालेका उम्मेदवार पराजित भएका छन् । 

ज्ञवालीको गृहनगर रुरु क्षेत्र गाउँपालिकाको अध्यक्षमा गठबन्धनबाट यदु ज्ञवाली निर्वाचित भएका हुन् । नेकपा (माओवादी) केन्द्रबाट उम्मेदवार बनेका ज्ञवालीले एक हजार २७७ मतान्तरले बिजय भएका हुन् । ज्ञवालीले पाँच हजार ८१७ मत प्राप्त गरेका थिए भने उनका प्रतिद्धन्दी एमालेका हिमालकुमार श्रेष्ठले चार हजार ५४० मत प्राप्त गरेका थिए । 

यस्तै गाउँपालिकाको उपाध्यक्षमा भने एमालेकी मिनादेवी गौतम निर्वाचित भएकी छन् । उनले पाँच हजार ४५१ मत पाएकी थिइन । नेपाली कांग्रेसबाट उपाध्यक्षकी उम्मेदवार बनेकी दुर्गा ज्ञवालीले चार हजार ६४६ मत पाएर दोस्रो भएकी थिइन् ।