काठमाडौं, । डडेलधुराको भागेश्वर गाउँपालिकामा नेकपा (एमाले) र नेकपा (माओवादी केन्द्र) क्लिन स्वीप भएका छन् ।

 नेपाली कांग्रेसका युवा नेता नैनसिंह महरको उक्त गाउँपालिकामा अध्यक्ष र उपाध्यक्षमा सहित चार वटा वडामा नेपाली कांग्रेस विजयी भएको छ। कांग्रेसका उम्मेदवार हेमराज चटौत दुई हजार ३११ मत प्राप्त गर्दै विजयी बनेका छन् । 

उनले निकटतम प्रतिद्वन्द्वी एमालेका उम्मेदवार रामबहादुर  शाहीले १ हजार ७८ मत ल्याएका छन्। 

यस्तै उपाध्यक्षमा कांग्रेसकै पुष्पा  ठकुराठीले २ हजार ३४८ मत प्राप्त गरि बिजय भएकी छन् । उनको प्रतिस्पर्धी माओवादी केन्द्रकी गीता भट्टले ८३२ मतमात्र ल्याउन सकिन्। 

पाँच वडा रहेको भागेश्वरमा चार वडामा कांग्रेस उम्मेदवार विजयी भएका छन्। एक वडामा भने स्वतन्त्र उम्मेदवार बिजय भएका छन् । वडा नम्बर १ मा स्वतन्त्र उम्मेदवार मणीकराज भट्ट ३५४ मतका साथ विजयी भए । 

वडा नम्बर २ मा कांग्रेसका उपेन्द्र जोरा २७० मत, वार्ड नं ३ मा डम्बरराज जोशीले ८७६ मत, वडा नम्बर ४ मा कांग्रेसका वसन्तराज चटौत ६४४ मत, वडा नम्बर ५ मा कांग्रेसका नरेन्द्र थापाले २७६ मत प्राप्त गरि बिजय भएका छन् ।