काठमाडौँ, । जाजरकोटको भेरी नगरपालिका प्रमुखमा एमालेका चन्द्रप्रकाश (सिपी) घर्तीमगर निर्वाचित भएका छन् ।

उनले सत्ता गठबन्धनका साझा उम्मेदवार नेकपा–माओवादी केन्द्रका गगनबहादुर खड्कालाई हराउँदै बिजय भएका हुन् । सिपी घर्तिमगरले ४ हजार ८ सय ४२ मत ल्याएर विजयी भएका हुन् ।

घर्ती यसअघि पनि प्रमुखमा निर्वाचित भएका थिए । निकटतम् प्रतिद्वन्द्वी माओवादीका गगनबहादुर खड्काले ३ हजार ९ सय ६३ मत प्राप्त गरेका छन् ।

उपप्रमुखमा गठबन्धनकी साझा उम्मेदवार काँग्रेसकी सीता जैसी निर्वाचित भइन् । जैसीले ५ हजार ९ सय ८५ मत प्राप्त गरेर विजयी बन्दा प्रतिस्पर्धी एमालेकी सावित्री चन्दले ५ हजार १ सय ७२ मत प्राप्त गरिन् ।