काठमाडौँ, । सिन्धुपाञ्चोकको चौतारा साँगाचोकगढी नगरपालिकाको उपप्रमुखमा सीता थापा बिजय भएकी छन् ।

नेकपा (एकिकृत समाजवादी)बाट उम्मेदवार बनेकी थापाले नौ हजार ७२६ मत ल्याई बिजय भएकी हुन् । उनले नेकपा (एमाले)की उपप्रमुखकी उम्मेदवार बालकुमारी सापकोटालाई पराजित गरेकी हुन् । सापकोटाले ६ हजार ८७७ मत ल्याएकी थिइन ।

यसअघि २०७४ सालको स्थानीय तहको निर्वाचनमा थापा एमालेबाट उम्मेदवार बनेकी थापा पराजित भएकी थिइन । तर यसपटक भने एमाले उम्मेदवारलाई हराएर उनी निर्वाचित भएकी छन् । थापा अनेरास्ववियुको सचिवालय सदस्य समेत रहेकी थिइन् । 

सोही नगरपालिकाको प्रमुखमा माओवादी केन्द्रका कृष्णप्रसाद सापकोटा ११ हजार ७२ मत ल्याई बिजय भएका छन् ।