टीकापुर, । टीकापुर नगरपालिकाको  प्रमुखमा रामलाल डगौरा थारु निर्वाचित भएका छन् ।  नागरिक उन्मुक्ती पार्टीका उम्मेदवार डगौरा थारु गठबन्धनका तर्फबाट नेपाली काँग्रेसका उम्मेदवार नवराज रावललाई तीन हजार मतले पछि पार्दै विजयी हुनुभएको छ ।

थारु नौ हजार ६४२ मत पाएका छन्  भने रावलले छ हजार ६४२ मत पाए । थारु २०७४ सालको निर्वाचनमा नेकपा माओवादी केन्द्रको तर्फबाट वडा नम्बर ७ को वडाध्यक्ष हुनुहुन्थ्यो । चुनाव अघि नवगठित नागरिक उन्मुक्ति पार्टीमा प्रवेश गर्नु भएको थियो । 

नौ वटा वडा रहेको टीकापुरमा प्रमुख जितेको नागरिक उन्मुक्तिले वडा नम्बर ४ र ५ मा वडाध्यक्षसहित सबै सदस्य, वडा नम्बर १ र ७ मा वडाध्यक्ष वाहेकका सबै सदस्य पदमा विजय हासिल गरेको छ ।

टीकापुर नगरपालिकाको उपप्रमुखमा भने गठवन्धनका तर्फबाट उम्मेदवार बन्नु भएका नेकपा (माओवादी केन्द्र) का उम्मेदवार खडकबहादुर शाह सात हजार २४९ मत ल्याई बिजय भएकी छन् ।

शाहले नागरिक उन्मुक्ति पार्टीका उम्मेदवार उल्का विकलाई छ मतले पछि पारेका हुन् । माओवादी केन्द्रले २०७४ मा जितेका वडा नम्बर ७, ८ र ९ लाई कायम राख्दै यस पटक उपप्रमुखमा पनि विजय हासिल गरेको छ ।

२०७४ मा उपप्रमुख मात्रै जितेको नेपाली कागे्रसले वडा नम्बर २, ३ र ६ मा वडाध्यक्षसहित ११ पद जितेको छ ।

२०७४ सालमा नगरप्रमुखसहित वडा नम्बर १ र २ मा विजय भएको नेकपा (एमाले) भने यसवर्ष एउटा वडाध्यक्षमा मात्र सिमित भएको छ । एमालेबाट वडा नम्बर १ को वडाध्यक्षमा मोहन विक निर्वाचित भएका छन् ।