काठमाडौँ, । स्थानीय तहको निर्वाचनमा नेपाली कांग्रेसले अग्रता लिएको छ । कांग्रेसले ३०५ स्थानीय तहमा निर्वाचित हुँदै ठूलो पार्टी बनेको छ । कांग्रेसले १२१ नगरपालिकामा प्रमुख  र १८४ गाउँपालिकाको अध्यक्ष जितेको छ ।
कांग्रेसपछि एमाले दोस्रो पार्टीको रुपमा अगाडि रहेको छ ।

एमालेले १८६ स्थानीय तहको प्रमुख जितेको छ । एमालेले ६६ नगरपालिकाको प्रमुख र १२० गाउँपालिकाको अध्यक्षमा निर्वाचित भएको छ । एमालेपछि माओवादी केन्द्रले नगरपालिकाको प्रमुखमा २१ र गाउँपालिकाको अध्यक्षमा ९६ जितेको छ ।
यस्तै नेकपा (एकिकृत समाजवादी)ले  नौ नगरपालिकामा प्रमुख जितेको छ ।

उपप्रमुखमा कांग्रेसले ९२, एमालेले ८९, माओवादी केन्द्रले ३०, एकिकृत समाजवादीले आठ जितेको छ ।

यस्तै गाउँपालिकाको उपाध्यक्षमा कांग्रेसले १८७, एमालेले १२१, माओवादी केन्द्रले ९३ र जनता समाजवादी पार्टी १८ जितेको छ ।