काठमाडौं, । नेकपा एकीकृत समाजवादीको पार्टीबाट सरकारमा सहभागी मन्त्री हेरेफेरको विषयमा छलफल गरेको छ  ।

एकिकृत समाजवादीको आज बसेको सचिवालय बैठकमा  सरकारमा आफ्नो पार्टीबाट सहभागी मन्त्री परिवर्तनबारे छलफल भएको  उपमहासचिव गंगालाल तुलाधारले जानकारी दिए । 

‘मन्त्रीलाई छ महिनाका लागि सरकारमा पठाएका थियौं । त्यो पठाएको पुरा भइसक्यो, ’ उनले भने , ‘ शीर्ष नेताहरूबीचमा बसेर छलफल गरी समझदारी बनाउँछौं । कति हेरफेर गर्ने उहाँहरू शीर्ष नेताले नै गर्नुहुन्छ ।’

अहिले संघीय सरकारमा एक राज्यमन्त्रीसहित सो पार्टीबाट ५ जना मन्त्री छन् । शहरी विकासमा रामकुमारी झाक्री, पर्यटनमा प्रेमवहादुर आले, श्रममा किसान श्रेष्ठ र स्वास्थ्यमा विरोध खतिवडा मन्त्री रहेका छन् । 

यस्तै पार्टीले विपद् व्यवस्थापनको तयारीमा जुट्नका लागि नेता, कार्यकता र जनप्रतिनिधिलाई परिचालन गर्ने भएको छ ।

उनले यसबर्ष मनसुन सक्रिय भएको धेरै नै बर्षा हुने सम्भावना मौसमविद्ले प्रक्षेपण गरेकोले उनीहरुलाई विपद् व्यवस्थापनको पूर्व तयारीमा लाग्न निर्देशन दिएको बताए । 

उनले चाँडै नै पार्टीले स्थायी, पोलिटव्युरो र केन्द्रीय कमिटी बैठक वोलाउने बताए ।