काठमाडौँ । नेकपा एकीकृत समाजवादीले कांग्रेस सभापति शेरवहादुर देउवा नेतृत्वमा रहेका मन्त्रीहरु फेर्ने भएको छ । आज बसेको सचिवालय बैठकले मन्त्रीहरुको कार्यशैली सन्तोषजनक नभएकोले मन्त्री फेर्ने निर्णय गरेको हो । 

समाजवादीका  नेता झलनाथ  खनालले पार्टीको सचिवालय बैठकले अहिले रहेको मन्त्रीहरुलाई फिर्ता बोलाउने र सरकारमा नयाँ नाम पठाउने बताए ।

‘मन्त्री परिवर्तन गर्ने निर्णय भएको छ ।  पुराना साथीहरु अहिले सरकारमा रहेकाहरु फिर्ता आउने र नयाँ साथीहरु सरकारमा जानु हुन्छ’ उनले भने ।

देउवा मन्त्रिपरिषदमा समाजवादीबाट स्वास्थ्यमन्त्री विरोध खतिवडा, शहरी विकासमन्त्री रामकुमारी झाँक्री, पर्यटनमन्त्री प्रेम आले र श्रममन्त्री किसान श्रेष्ठ तथा खापुङ स्वास्थ्य राज्यमन्त्री रहेका छन् ।