काठमाडौँ । नेकपा एकीकृत समाजवादीले कांग्रेस सभापति शेरवहादुर देउवा नेतृत्वमा रहेका मन्त्रीहरु फेर्ने भएको छ । आज बसेको सचिवालय बैठकले मन्त्रीहरुको कार्यशैली सन्तोषजनक नभएकोले मन्त्री फेर्ने निर्णय गरेको हो । 

स्रोतका अनुसार माधवकुमार नेपाल नयाँ मन्त्रीको नाम लिएर बालुवाटार गइसकेका छन् । नयाँ मन्त्रीहरुमा पर्यटनमा जीवनराम श्रेष्ठ, शहरीमा मेटमणि चौधरी, श्रममा शेरबहादुर कुँबर र स्वास्थ्यराज्यमन्त्रीमा हिरा केसी रहेका छन् । अहिलेका स्वास्थ्यराज्यमन्त्री भवानी  खापुङलाई भने स्वास्थ्य मन्त्रीका रुपमा बढुवा गरिने छ । 

एकीकृत समाजवादीले अहिलेका मन्त्रीलाई छ महिना मन्त्री बनाउने सहमति गरेको र ति मन्त्रीको कार्यशैली सन्तोषजनक नभएर नयाँ मन्त्री पठाउन थालेको हो । 

देउवा मन्त्रिपरिषदमा समाजवादीबाट स्वास्थ्यमन्त्री विरोध खतिवडा, शहरी विकासमन्त्री रामकुमारी झाँक्री, पर्यटनमन्त्री प्रेम आले र श्रममन्त्री किसान श्रेष्ठ तथा खापुङ स्वास्थ्य राज्यमन्त्री रहेका छन् ।