काठमाडौँ, । नेकपा (एकीकृत समाजवादी)ले स्थानीय तहको निर्वाचनको समिक्षा गरि प्रतिवेदन तयार पार्नका लागि सातवटै प्रदेशमा सात जनालाई जिम्मेवारी दिएको छ ।

हिजो र आज बसेको सचिवालय बैठकले आजको  पाँच दिनभित्र हालै सम्पन्न स्थानीय तहको निर्वाचनमा पार्टीको भूमिका र गठबन्धनको भूमिकाको सम्बन्धमा यथार्थपरक सूचनाहरु मातहत कमिटीबाट प्राप्त गरी तथ्यसंगत र यथार्थपरक विष्लेशण गरी समिक्षा प्रतिवेदन तयार गर्न निर्णय गरेको हो । प्रतिवेदन  स्थायी कमिटीको बैठकमा पेश गरिने छ ।

उपमहासचिव गंगालाल तुलाधारका अनुसाुर प्रदेश नं. १ मा जयन्ती राई, मधेस प्रदेशमा रामचन्द्र झा,बागमती प्रदेशमा. गंगालाल तुलाधर,. गण्डकी प्रदेशमा प्रमेश हमाल, लुम्बिनी प्रदेशमा. बिजय पौडेल, कर्णाली प्रदेशमा  प्रकाश ज्वाला र सुदूरपश्चिम प्रदेशमा बेदुराम भुसाल रहेका छन् । 

बैठकले हालै सम्पन्न स्थानिय तहको निर्वाचनमा विजयी सम्पूर्ण मेयर÷उपमेयर, अध्यक्ष÷उपाध्यक्ष, जिल्ला समन्वय प्रमुख÷उपप्रमुख र वडा अध्यक्षहरुको लागि अभिमूखीकरण गर्ने उद्देश्यले आगामी असार ४ र ५ गते काठमाडौंमा ‘राष्ट्रिय अभिमूखिकरण कार्यक्रम’ गर्ने निर्णय गरिएको  छ ।