प्रधानमन्त्री तथा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादी पार्टीका अध्यक्ष माधवकुमार नेपालबीच भेटवार्ता भएको छ ।

बिहीबार दिउँसो सत्ता गठबन्धनका तीन प्रमुख नेताहरुबीच सरकारी निवास बालुवाटारमा भेटवार्ता भएको हो ।

उनीहरुबीच आउँदो निर्वाचन, मन्त्रिपरिषद् हेरफेर र पछिल्लो राजनीतिक अवस्था बारे छलफल भएको हो । एकीकृत समाजवादीले ४ मन्त्रीलाई सरकारबाट फिर्ता बोलाएर नयाँ मन्त्री सिफारिस गर्ने तयारी गरेको छ ।

मन्त्री फेर्न बिषयमा प्रधानमन्त्री देउवा सकरात्मक रहेको बताइएको छ । एकिकृत समाजवादीबाट नयाँ मन्त्रीमा जीवनराम श्रेष्ठ, शेरबहादुर कुँवर, भवानी खापुङ र मेटमणि चौधरीको चर्चा छ ।