काठमाडौं । काठमाडौ महानगरपालिकाले निर्माण एम्बुलेन्स घोषणा गरेको दुई हप्ता वित्यो । त्यो एम्बुलेन्स सञ्चालनमा आए नआएको कुनै जानकारी आएको छैन ।

सडकमा भत्केका खाल्डाखुल्डी जस्ताको तस्तै छ । अरुको त के कुरा गर्नु संस्कृति पर्यटन तथा नागरिक उड्डयन मन्त्री प्रेम आलेको घरको मूल ढोकामै भत्केका संरचना महिनौदेखि जस्ताको तस्तै छन् ।
आले आफ्नै पहलमा पनि त्यहाँको खाल्डा पुर्न सक्थे । वा सडक विभागलाई उजुरी गर्न सक्थे तर आलेले त्यसो नगरी आफ्नै घर अगाडीको खाल्डो पुर्ने चासो देखाएका छैनन ।

अरुको कमजोरी केलाउन उद्यत रहेका पर्यटनमन्त्री आलेले आफ्नै घरको खाल्डोमा सवारीसाधन दुर्घटना हुँदा उनी चुपचाप बसेका छन् । आले आफै पनि भत्केका संरचना बनाउनु पर्छ भन्छन् ।

‘देश हामीले नबनाए कसले बनाउछ भन्दै चिच्याएर भाषण गर्छन तर आफ्नै आगन अगाडी बाटो भत्केकोमा वास्ता गर्दैन, महिनौदेखि ह्यूमपाइप राखिरहेका छन् तिनीहरुको प्रयोग भएका छैनन’, एक स्थानीयले भने ।

ती स्थानीयका अनुसार चिल्लो गाडी बेलाबेलामा भत्केको ठाउँमा फस्ने गर्छ तर पनि वास्तै गर्दैनन । ‘चिल्लोका कारमा आउने आलेजी मोबाइल खेलाएर बस्छन् तर खाल्डोमा ध्यान दिन्नन्’, ती स्थानीयको भनाई छ ।