काठमाडौँ, । त्रिभुवन विश्वविद्यालय (त्रिवि)मा लगएको ताला १४० दिनपछि खोलिएको छ ।
अनेरास्ववियुले ताला फोड्ने धम्की दिएपछि त्रिविको उपकुलपति, रेक्टर र रजिस्ट्रारको कार्यालयमा लगाएको ताला खोलिएको हो ।
नेपाल विद्यार्थी संघले शुक्रबार ताला खोलेको हो र आंशिक प्राध्यापक केन्द्रीय संघर्ष समितिले आज ताला खोलेका हुन् ।
अनेरास्ववियुका महासचिव समिक वडालले त्रिवि जस्तो शैक्षिक केन्द्रलाई महिनौदिनसम्म बन्दक बनाउन नपाइने भन्दै आफूहरुको पहलमा ताला खोलिएको बताए । उनले त्रिविमा यो वा त्यो वहानामा ताला लगाउन नपाइने बताए ।
यही जेठ २५ गते अनेरास्ववियुले तीनदिन भित्र ताला खोलि त्रिविको काम सुचारु नबनाए आफै ताला फोडेर त्रिवि संचालन गर्ने बताएको थियो ।
विभिन्न माग राख्दै नेपाली कांग्रेसको विद्यार्थी संगठनले माघ ६ गते र आंशिक प्राध्यापकहरुले माघ २१ गते ताला लगाएका थिए ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९