जिल्ला कारागार मोरङमा कोरोना भाइरस संक्रमण फैलिएको छ । विराटनगर महानगरपालिका(८ मा रहेको कारागारमा केही दिनयता कोरोना फैलिएको हो ।

अत्याधिक ज्वरो आएपछि बिहीबार १९ कैदीबन्दीलाई कोशी अस्पताल भर्ना गरेको थियो । भर्ना गरेकामध्ये एक जनाको बिहीबार नै मृत्यु भएको कारागार प्रशासनले जानकारी दिएको छ । अहिले १८ जना उपचारमा छन् ।

अस्पताल पुर्‍याइएकामध्ये १६ जनालाई एन्टिजेन पोजेटिभ देखिएको छ । दुई जनाको रिपोर्ट नेगेटिभ आए पनि कोरोनासँग मिल्दो जुल्दो लक्षण रहेको जनाइएको छ ।

१०० डिग्री भन्दा बढी ज्वरो आएका विरामीलाई अस्पताल भर्ना गरिएको र भित्र बिरामीको संख्या धेरै रहेको कारागार स्रोतले जानकारी दिएको छ । तीन सय क्षमताको कारागारमा अहिले एक हजार ८७ कैदीबन्दी छन् ।