काठमाडौँ, । नेकपा (एमाले)का महासचिव शङ्कर पोखरेलले पार्टीको नीति र विचारसंग मिल्ने दलसंग आगामी निर्वाचनमा सहकार्य गर्ने बताए ।

एमाले प्रचार तथा प्रकाशन विभागले आज यहाँ ‘अनलाइनका सम्पादकसंग गरिएको अन्तरक्रिया’ कार्यक्रममा उनले आगामी निर्वाचनमा विभिन्न दलसंग सहकार्य जाने बिषयमा छलफल चलिरहेको बताए ।

“मुख्यतः एमालेको नीतिसंग मेल खाने दलसंग हामी आगामी निर्वाचनमा सहकार्य गर्ने छौ” उनले भने, “ एमालेले जसलाई मित्र ठान्यो उसैसंग सहकार्य हुन्छ ।”

उनले पार्टी फुटेपनि त्यसको असर नगन्य रुपमा देखिएको बताए ।

उनले आगामी निर्वाचनमा पाँचदलिय गठबन्धन बने आफूहरु एक्लै निर्वाचनमा होमिएर बिजय प्राप्त गर्ने भनाई राखे ।

महासचिव पोखरेलले मुलुकमा जतिधेरै पार्टी भयो त्यति नै मुलुक अस्थिर हुने, वैदेशिक हस्तक्षेप बढ्ने बताए ।

उनले मुलुक निर्माणका लागि बलियो राजनीतिक शक्ति आवश्यक रहेको र त्यो दिशामा एमाले अगाडि बढ्ने बताए ।

उनले पोखरेलले मुलुकमा पुरानो नेतृत्वलाई विस्थापित गर्न सकेपनि नयाँ नेतृत्व र वर्गलाई स्थापित गर्न नसकेको बताए ।

उनले  २०६२÷०६३ को जनआन्दोलनले सवै समस्यालाई समाधान गर्छ भन्ने लागेको भएपनि त्यो पुरा नभएको स्पष्ट पारे ।

उनले कालो धन सेता बनाउने बिषयमा अहिलेका राष्ट्र बैंकका गर्भनर महाप्रसाद अधिकारीमाथि आक्रमण भएको बताए ।  

उनले सरकार परिवर्तन हुने वित्तिकै लुकेको पैसा बाहिर आउने समेत दावी गर्दै एमालेले सरकारमा आएपछि मुलुकको अर्थतन्त्र पनि सुधार हुने बताए ।

एमालेका उपमहासचिव पृथ्वीसुब्वा गुरुङले पार्टी र सम्पादकसंग खाडल पुर्न तथा पार्टीले सुधार्नुपर्ने कुराको  सुझाव सङ्कलन गर्न कार्यक्रम आयोजना गरिएको बताए ।