काठमाडौँ । नेपाल चिकित्सक सङ्घले सवै आन्दोलनका कार्यक्रम फिर्ता लिएको छ । 

सरकार र सङ्घबीच आज भएको वार्तामा विभिन्न छ बुँदे सहमति पत्रमा हस्ताक्षर गर्दै आन्दोलनका कार्यक्रम फिर्ता भएको हो । सहमति पत्रमा प्रधानमन्त्री तथा मन्त्रिपरिषद्को कार्यालयका सचिव तथा सरकारी वार्ता टोलीका संयोजक डा. गणेशप्रसाद पाण्डेय र सङ्घका अध्यक्ष डा. लोचन कार्कीले हस्ताक्षर गरेका छन् । 

सहमति अनुसार सङ्घले अगाडि सारेका आन्दोलनका सवै कार्यक्रम तत्काल स्थगित गरि आआफ्नो कार्य जिम्मेवारी सम्हालि अस्पताल संचालन गरिने छ । 

यस्तै यहि माघ २७ गते दिन घटेको घटनाको सम्बन्धमा सम्बन्धित सुरक्षाकर्मीलाई निलम्बन गरी छानविन शुरु भइसकेको अवस्थामा समग्र पक्षमा एक हप्ताभित्र छानविन गरि दोषीलाई कारवाही गर्ने, घाइते चिकित्सकको उपचारको व्यवस्था सरकारले गर्ने सहमति भएको छ । 

यस्तै विशिष्ट व्यक्तिको सवारीमा सुरक्षा व्यवस्थापन गर्दा विरामी एव आमनागरिक र विशेषगरी स्वास्थ्य संस्था, विद्यालय लगायतका संवेदनशील संस्था तथा क्षेत्रहरुमा ससहजता नुहने गरि विशिष्ट व्यक्तिको सुरक्षा व्यवस्थापन कार्यविधि २०७७ मा गर्नुपर्ने परिमार्जन सम्बन्धमा सरकार समक्ष एक हप्ताभित्रमा सुझाव पेश गर्ने र उक्त सुझावलाई सरकारले कार्यन्वयन गर्ने, स्वास्थ्यकर्मी तथा स्वास्थ्य संस्थाको सुरक्षासम्बन्धि (संशोधनसहित) ऐन २०६६ बमोजिम स्वास्थ्यकर्मी र स्वास्थ्य संस्थाको सुरक्षासम्बन्धि प्रभावकारि रुपमा कार्यन्वयन गर्ने र स्वास्थ्य संस्था र स्वास्थ्यकर्मीको सुरक्षालाई थप प्रभावकारी बनाउन आवश्यक व्यवस्था गर्ने सहमति भएको छ । 

सङ्घले यहि माघ २७ गते राष्ट्रिय ट्रमा सेन्टरका बरिष्ठ अर्थोपेडिक सर्जन डा. जनिथलाल सिंह लगायत चिकित्सक तथा स्वास्थ्यकर्मी माथि प्रहरीले लाठी चार्ज गरि घाइते बनाएको विरोधमा आज देशभरि नै आकस्मिक सेवा वाहेकका सवै सेवा बन्द गर्ने निर्णय गरेको थियो