काठमाडौं, । खाना पकाउन प्रयोग हुने ग्यास सिलिन्डर विस्फोट हुँदा घाइते हुनुभएका नेपाली कांग्रेसका सांसद डा.  चन्द्रकान्त भण्डारीलाई थप उपचारका लागि भारत लगिने भएको छ । 

केही बरेमा एयर एम्बुलेन्समार्फत भारत लैजाने तयारी गरिएको छ । 

बुद्धनगरस्थित निवासमा बुधबार राति ग्यास सिलिन्डर विस्फोट हुँदा घाइते हुनुभएका भण्डारी र उनकी आमा हरिकला भण्डारीलाई थप उपचारका लागि भारत लगिने भएको हो ।

कीर्तिपुर अस्पतालले विज्ञप्ति जारी गर्दै नेपालमा उपचार सहज नहुने भएकोले दुवै जनालाई भारत लगेर  उपचार गर्न सिफारिस गरिएको उल्लेख गरेको छ । 

कीर्तिपुर अस्पतालको आइसियुमा उपचाररत भण्डारीको शरीरको २५ देखि ३० प्रतिशत र उहाँकी आमाको ७० प्रतिशतभन्दा बढी भाग जलेको अस्पतालले जनाएको छ ।