काठमाडौँ, । नेपाली कांग्रेसका नेता डा. चन्द्रकान्त भण्डारीको स्वास्थ्यमा सुधार हुँदै गएको छ । मुम्बईको नेसनल बर्न सेन्टरमा  उपचाररत रहेका उनको स्वास्थ्यमा सुधार हुँदै गएका उनका सहयोगी योगराज कंडेलले जानकारी दिए । 

उनले  सेन्टरका प्रमुख डा. सुनिल केशवानीले कांग्रेस नेता भण्डारीको  छिटो छिटो सन्चो भइरहेकोले चिन्ता लिन नपर्ने बताएका छन् । 

चिकित्सकका अनुसार नेता भण्डारीलाई अवको  चार दिन पछि आईविसियू (इन्टेन्सिभ बर्न केयर युनिट) वाट बाहिर निकालिने छ । 

कंडेल अनुसार सेन्टरका प्रमुख डा. केशवानीले स्वास्थ्यमा सुधार हुँदै गएपछि  भोलिबाट मुखमा लगाइएको अक्सिजन हटाइने छ । 
 

सहयोगी कंडेलका अनुसार ईटी ट्युवमा अव राख्न नपर्ने भएको छ ।

यस्तै नेता भण्डारीको भोलिसम्म मात्र रिजरभायर व्याग मास्कमा राखिने र आज राती ५ लिटर अक्सिजनमा मात्र रिजरभायर व्याग मास्कमा राखिने छ । 

यस्तै इन्फेक्सनको मात्रा  पनि कम हुँदै गएको छ । 

उनका अनुसार अनुहारमा नयाँ छाला पलाएको तर हातहरुमा  पनि छाला अलिमात्र पलाउन थालेको छ । “ एक हप्ता अझै हेर्ने अनि मात्र आवश्यकता भएमा हातको ग्राफ्टिङ्ग गर्ने चिकित्सककोले भनेको छन” उनले भने ।