काठमाडौं-।राष्ट्रिय तथ्यांक कार्यलयले राष्ट्रिय जनगणना २०७८ को नतिजा आज प्रकाशन गर्दैछ ।

प्रधानमन्त्री पुष्पकमल दाहालले आज सोल्टी होटलमा आयोजना हुने कार्यक्रममा ‘राष्ट्रिय जनगणना २०७८ को संक्षिप्त नतिजा’ सार्वजनिक गर्दैहुनुहुन्छ ।

कार्यलयका अनुसार जातजाती,धर्म र भाषा बाहेकका अधिकांस तथ्यांक आज सार्वजनिक हुनेछन् । जातजाती र धर्मको तथ्यांक विष्लेषण भइरहेकोले सार्वजनिक गर्न केही समय लाग्ने प्रवक्ता नेविनलाल श्रेष्ठले बताउनुभयो ।

२०७८ कातिक २५ देखि मंसिर ९ गते सम्म भएको जनगणनाको प्रारम्भिक नतिजा २०७८ माघमा सार्वजनिक भएको थियो । त्यसबेला नेपालको जनसंख्या २ करोड ९१ लाख ९२ हजार ४ सय ८० थियो । अन्तिम नतिजामा त्यो संख्या केही घटेको बताइएको छ । प्रारम्भिक नतिजा भन्दा अन्तिम नतिजामा मिहिन विष्लेष्ण गरिएकोले यस्तो भएको कार्यलयको भनाइ छ ।

गत मंसिरमा नै नतिजा सावर्जनिक गर्न कार्यलय तयार भएपनि संघीय,प्रदेशको निर्वाचन,त्यसपछि राष्ट्रपति उपराष्ट्रपतिको निर्वाचनका कारण पछि धकेलिएको थियो ।